وەزارەتی تەندروستیی هەرێم ڕایدەگەیەنێت، 49 توشبووی نوێی كۆرۆنا لە شارەكاندا تۆماركراون و تەنها یەك توشبووش گیانی لەدەستداوە.
وەزارەتی تەندروستیی هەرێم ئەمڕۆ شەممە 23ی كانونی دووەم ئاماری 24 كاتژمێری ڕابردووی تایبەت بە كۆرۆنای بڵاوكردەوە و دەڵێت، سێ هەزار و 144 پشكنین ئەنجامدراون و لەو ژمارەیە 49 توشبووی نوێ تۆماركراون.
هەر لەو ماوەیەدا 944 توشبوو چاكبوونەتەوە و یەك توشبووش گیانی لەدەستداوە.
كۆی گشتی توشبووانی كۆرۆنا لە هەرێم گەیشتە 105 هەزار و 550 كەس، لەو ژمارەیە 92 هەزار و 525 كەسیان چاكبوونەتەوە و سێ هەزار و 455 توشبووش گیانی لەدەستداوە.
