تەندروستیی سلێمانی رایگەیاند، لە رۆژانی پشوودا سەرجەم نەخۆشخانەکان بە شێوەی ئێشکگر کراوە دەبن.
بەڕێوەبەرایەتیی گشتیی تەندروستیی سلێمانی ئاگادارییەکی ئاراستەی هاوڵاتییان کرد و رایگەیاند، لەڕۆژانی پشوودا سەرجەم نەخۆشخانەکانی پارێزگای سلێمانی بەشێوەی ئیشکگر بۆ ماوەی 24 کاتژمێر کراوەدەبن.
ئاماژەی بەوەشدا، بەمەبەستی ئامادەکاری و بەردەوامبوون لە پێشکەشکردنی خزمەتگوزاری تەندروستیی لەڕۆژانی پشووی جەژنی ڕەمەزاندا، سەرجەم نەخۆشخانە و سەنتەرەکانی پێدانی چارەسەری کیمیایی و سەنتەری چارەسەر بە تیشكی شێرپەنجەی سەنتەرەکانی شوشتنی گورچیلە وەتیمەکانی (چاودێری تەندروستی ،پشکنینی ئاو ، نەخۆشیە گوازراوەکان) بەردەوام دەبن لەپێشکەشکردنی خزمەتگوزاری تەندروستی بەشێوەی ئێشکگر.
ئەوەشی خستەڕوو، داوا لەهاوڵاتییان دەکەین لەکاتی هەبوونی هەر حاڵەتێکی کتوپڕدا دەتوانن پەیوەندی بە سەنتەریی فریاکەوتنی خێرای تەندروستیی ژمارە 122 بکەن.
