ناوەندی راگەیاندنی هێزەکانی سوریای دیموکرات رایدەگەیەنێت، لەم هێرشەی دوایی هێزەکانی دیمەشقدا، زیانێکی زۆریان بەو هێزانە گەیاندووە و دەیان قوربانییان هەیە.
ناوەندی راگەیاندنی هێزەکانی سوریای دیموکرات (هەسەدە) بڵاویکردەوە، هێزەکانمان زیانێکی زۆریان بە هێزە چەکدارەکانی سەر بە حکومەتی دیمەشق گەیاند، کە هەوڵیاندەدا هێرشبکەنە سەر بەنداوی تشرین و لادێکانی دەورووبەری، لە ئەنجامدا دەیان قوربانییان هەیە.
ئاماژەی بەوەشکرد، هێزەکانمان ژمارەیەک ئۆتۆمبێل و زرێپۆشیان لەناوبرد، کە لە هێرشەکەدا بەکارهێنراون، ئەمەش لە چوارچێوەی هەوڵەکانمان بۆ بەرپەرچدانەوەی هەوڵە دووبارەبووەکان بۆ تێکدانی سەقامگیریی ناوچەکە.
