وتەبێژی یەکێتیی نیشتمانیی کوردستان رایگەیاند، پەیوەندییەکانیان لەگەڵ پارتی دیموکرات لە قۆناغێكی پێشکەوتوودایە و کۆبوونەوەکانیان بەردەوامدەبن.
سەعدی ئەحمەد پیرە وتەبێژی یەکێتیی نیشتمانیی کوردستان رایگەیاند، پەیوەندییەکانی نێوان یەکێتی و پارتی لە قۆناغێکی پێشکەوتوودان و لە چەند رۆژی داهاتوودا کۆبوونەوەکان بەردەوام دەبن، لیژنەی باڵا لە هەوڵی ئەوەدایە کە ئەو رەشنووسەی ئامادەکراوە پەسەندبکرێت دواتریش خەڵک بۆ پۆستەکان دەستنیشانبکرێت.
سەبارەت بە ئامادەکارییەکانی یەکێتی بۆ هەڵبژاردنی ئەنجومەنی نوێنەرانی عێراق سەعدی پیرە وتی، “یەکێتی لەدوای هەڵبژاردنی ئەنجومەنی پارێزگاکان ساردنەبووەوە راستەوخۆ دەستی بە ئامادەکاری بۆ هەڵبژاردنی پەرلەمانی کوردستان کرد، ئێستاش بۆ هەڵبژاردنی ئەنجومەنی نوێنەران بەردەوامە، ئومێدەوارین بتوانین لە یاسا کارپێکراوەکانی عێراق سوودوەربگرین و خەڵكێکی زۆر بنێرینە سەر سندووقەکانی دەنگدان.
