ئەندامێکی پەرلەمانی کوردستان رایدەگەیەنێت، “ئەگەر بەبەردەوامی نیوئەمپێر کارەبا بەکاربهێنیت 19 هەزار دینارت بۆدێتەوە”.
عەلی حەمەساڵح، ئەندامی پەرلەمانی کوردستان رایگەیاند، “لە پرۆژەی 24 کاتژمێریدا ئەگەر بەبەردەوامی نیوئەمپێر کارەبا بەکاربهێنیت 19 هەزار دینارت بۆدێتەوە، کەچی حکومەتی هەرێم دەڵێت رەچاوی دۆخی هەژارانمان کردووە”.
ئەو پەرلەمانتارە دەڵێت، حکومەتی هەرێم لە پرۆژەی رووناکیدا دەڵێت، لە سفر بۆ (100 کیلۆوات) تەنیا 19 هەزارت بۆدێتەوە!، ئەم بڕەش زۆر کەمترە لە یەک ئەمپێر و نزیکەی 63% یەک ئەمپێر دەکات، واتە ئەگەر هیچ بەکارنەهێنیت، دەتوانیت تەنیا 19 هەزار دینار بدەیت.
عەلی حەمەساڵح، ئەوەش دەڵێت، “هەڵەکەیان ئەوەندە زەقە، دەڵێت، ئەگەر سفر بۆ 100 بەکاربهێنت کیلۆواتێک 190 دینارە!، بەڵام لە 100 بۆ 600 کیلۆوات دەبێتە 100 دینار!”
