قوباد تاڵەبانی جێگری سەرۆك وەزیران پەیامێكی بۆ بە پارێزگابوونی هەڵەبجە بڵاوكردەوە و دەڵێت، ” پیرۆزە لە هەڵەبجە و پیرۆزە لە كوردستان، ئەمڕۆ رۆژێكی مێژووییە بۆ هەڵەبجە و هەڵەبجەییەكان لە ئەمڕۆكەوە قۆناغێكی نوێ لە مێژووی شارەكەیان دەنووسنەوە”.
لە كۆتایی پەیامەكەدا هاتووە، بەپارێزگابوونی هەڵەبجە بۆ هەڵەبجەییەكان و دانیشتووانی ئەم پارێزگا نوێ و خنجیلانەیەی كوردستان و عێراق شیرینتر دەبێت ئەگەر بێتو لێرە بە دواوە هەموو لایەكمان پێكەوە كاربكەین بۆ خێراتركردنی پڕۆسەی گەشەپێدانی هەڵەبجە و پێویستە حكومەتی هەرێم و نوێنەرەكانمان لە بەغداد پێكەوە هەماهەنگ و هاوكاربن بۆ ئەوەی بودجەی پێویست بۆ سەرپێخستن و گەشەپێدانی ئەم پارێزگایە نوێیەمان دابین بكەین و لە دڵەوە پیرۆزبایی لە هەڵەبجەییەكان و هەموو خەڵكی كوردستان دەكەم و جارێكیتریش سوپاس بۆ هەموو ئەوانەی ماندووبوون لە بە پارێزگاكردنی هەڵەبجە.
