ئەندامێکی پەرلەمانی کوردستان دەربارەی پرۆژەی کارەبای 24 کاتژمێری رایگەیاند، رەچاوی بارودۆخی دارایی هاولاتییان نەکراوە.
کاوە عەلی، ئەندامی پەرلەمانی کوردستان بە تۆڕی میدیایی ئێستای راگەیاند، تێبینیمان لەسەر پڕۆژەی کارەبای 24 کاتژمێری (رووناکی) هەیە، چونکە وەزارەتی کارەبا ئامادەی نەکردووە و ئاگاداری وردەکارییەکەی نییە.
وتیشی، “پێشبینی دەکرێت لە مانگی پێنجدا (ئادار) پڕۆژەی کارەبای 24 کاتژمێری، لە پارێزگای هەڵەبجەدا بچێتە بواری جێبەجێکردنەوە”.
ئاماژەی بەوەشدا، لە هەرێمی کوردستاندا تێچووی یەک کیلۆوات کارەبا 40 دینارە، بەڵام حکومەتی هەرێم بە 150 دینار بە هاوڵاتییانی دەفرۆشێت، هەربۆیە پێویستە لە دیاریکردنی نرخی کارەبای پڕۆژەکەدا رەچاوی بارودۆخی دارایی هاوڵاتیان بکرێت، چونکە رەچاوی بارودۆخی هاولاتییانی تێدانەکراوە.
ئەوەشی خستەڕوو، زیادکردنی نرخی کارەبا، پێچەوانەی یاسا و رێنماییەکانی حکومەتە، بەتایبەت رێنمایی ژمارە دووی ساڵی 2021ـی وەزارەتی کارەبایە، کە تایبەتە بە جێگیرکردنی نرخی کارەبا.
