ئەندامێكی ئەنجومەنی نوێنەرانی عێراق رایدەگەیەنێت، پڕۆژەكەی ناویان ناوە رووناكی بە بازرگانیكردنی كارەبا و رووتاندنەوەی خەڵكە.
سۆران عومەر ئەندامی ئەنجومەنی نوێنەرانی عێراق رایگەیاند، پڕۆژەی رووناكی یان پڕۆژەی بە بازرگانیكردنی كارەبا لەسەر گیرفانی بەتاڵی خەڵك كە پڕۆژەكەی ناویان ناوە رووناكی بە بازرگانیكردنی كارەبایە و رووتاندنەوەی خەڵكە و پێشتر لە چەندین رێگاوە هەوڵیانداوە كارەبا بەبازرگانی بكەن سەركەوتوو نەبوون و لەئێستادا پێیانوایە بەگرانكردنی كارەبا دەتوانن بەكارهێنانی كارەبا كەم بكەنەوە تاوەكو كاتژمێرەكانی پێدانی كارەبا زیادبكەن بۆ 24 كاتژمێر، بەڵام لەسەر گیرفانی خەڵك و ئەو خەڵكەی كە لە سێ مانگ دا یەك مووچەی وەرگرتووە.
ئاماژەی بۆ ئەوەش كرد، لەم نێوەندەدا خەڵكی بە گشتی زەرەرمەندە چونكە تاوەكو ئێستا كارەبا لە هەرێم تەنها بۆ رووناكی بەكارنایەت، بەڵكو لە وەرزەكاندا بۆ گەرمكردنەوە و فێنكردنەوە بەكاردەهێنرێت، نەوت و غاز بە هاوڵاتی نادرێت بۆیە خەڵك بەدیلی كارەبای نییە تاوەكو كارەبا كەم بەكاربهێنێت.
