دەستەی خانەنشینی عێراق دابەشکردنی پاداشتی کۆتایی خزمەت بۆ هەشت هەزار خانەنشینی نوێ راگەیاند.
حسام عەبدولستار سەرۆکی دەستەی خانەنشینی عێراق رایگەیاند، لە چوارچێوەی پلانەکانی دەستەکەیان بۆ ئاسانکاریکردن بۆ ئەو کەسانەی لەم نزیکانە خانەنشین بوون، بڕیاردراوە دوای 48 کاتژمێر لە دابەشکردنی یەکەم مووچەی خانەنشینی، پاداشتی کۆتایی خزمەتیان بەسەردا دابەشبکرێت.
ئاماژەی بەوەشکرد، لەگەڵ دابەشکردنی مووچەی مانگی ئازار هەشت هەزار و 113 خانەنشین، پاداشتی کۆتایی خزمەت وەردەگرن.
داوایشیکرد، خانەنشینان لەرێگای کورتەنامەوە ئاگاداردەکرێنەوە سەردانی بانکەکان بکەن بۆ وەرگرتنی پاداشتەکانیان.
