ئۆفیسی هەڵبژاردنەکانی سلێمانی کارمەندانی هێزە ئەمنییەکان ئاگاداردەکاتەوە و دەڵێت، “کارتی بایۆمەترییەکانتان وەربگرنەوە”.
ئەمڕۆ شەممە، ئۆفیسی هەڵبژاردنەکانی سلێمانی رایگەیاند، ئاگاداری سەرجەم کارمەندانی هێزە ئەمنیی و سەربازییەکان و کارمەندانی رۆژی هەڵبژاردن دەکەینەوە، لە ئێستادا کارتی بایۆمەترییەکانیان ئامادەیە و دەتوانن وەریبگرنەوە.
ئاماژەیان بەوەشداوە، شوێنی وەرگرتنەوەی کارتە بایۆمەترییەکان لە یەکەکانی تۆمارکردنی کۆمسیۆن دەبێت کە لەپێشووتردا کارمەندەکان سەردانیان کردوون و بێجگە لە رۆژانی هەینیی و شەممە و پشووە فەرمییەکان لە کاتژمێر هەشتی بەیانییەوە تاوەکو 11ـی پێشنیوەڕۆ دەتوانن سەردانی بنکەکان بکەن.
ئەوەشیان خستووەتەڕوو، کارمەندانی رۆژی هەڵبژاردن پێویستە لە کاتی وەرگرتنی پاداشتە داراییەکانییاندا کارتی دەنگدانیان پێبێت و بەم زووانە رادەگەیەندرێت.
