بەهۆی وەرگەڕانی ئۆتۆمبێلێکەوە لەسەر رێگای کفری – کەلار دوو کەس برینداربوون.
بەڕێوەبەرایەتیی هاتوچۆی گەرمیان رایگەیاند، بەهۆی وەرگەڕانی ئۆتۆمبێلێکەوە لەسەر رێگای (کەلار – کفری) دوو کەس بریندرابوون کە سەرنشینی ئۆتۆمبێلەکە بوون.
دەشڵێت، ئۆتۆمبێلەکە لە جۆری کیا سپۆرتاج بووە و لەسەر ریگای کفری بەرەو رێگای کەلار رۆیشتووە و لە نزیک گوندی سەیدە کۆنتڕۆڵی لەدەستداوە و وەرگەڕاوە.
ئاماژەی بەوەشداوە، دوو بریندارەکە لەدایکبووی ساڵی 1967 و 1970ن، دوای رووداوەکەش رەوانەی نەخۆشخانە کراون.
