سندوقی عێراق بۆ گەشەپێدان رایگەیاند، “لەماوەکانی داهاتوودا ژمارەیەک پڕۆژەی ئابوری رادەگەیەنین کە هاوڵاتییان و کۆمپانیاکان سوودمەندی سەرەکی دەبن”.
ئەمڕۆ شەممە، محەمەد نەجاڕ بەڕێوەبەری سندوقی عێراق بۆ گەشەپێدان رایگەیاند، کۆمەڵێک دەرفەتی نوێ دەرەخسێنین کە گرنگترینیان دروستکردنی هەلومەرج و دەرفەتی نوێی ئابورییە لە عێراقدا.
وتیشی، “لە ماوەکانی داهاتوودا کاردەکەین بۆ دروستکردنی میکانیزمێک کە هاوڵاتییان بتوانن قەرز وەربگرن و سوودی لێ ببینن”.
ئاماژەی بەوەشدا، سندوقەکە کاردەکات بۆ هاوکاریکردن و گەڕانەوەی کۆمپانیا بچووک و مامناوەندەکانی بۆ بازاڕ، چونکە بناغەیەکی بەهێزی ئابوری وڵاتەکەن و رۆڵی گرنگییان هەیە لە ژێرخانی ئابوریدا.
