وەزارەتی ناوخۆی ئەڵمانیا رایدەگەیەنێت، 47 هاوڵاتیی عێراقی دیپۆرتکراونەتەوە، بەبێ ئەوەی هۆکارەکەی بخاتەڕوو.
وەزارەتەکە لە راگەیەندراوێکدا لەبارەی دیپۆرتکردنەوەی ئەو 47 هاوڵاتییە عێراقییە دەڵێت، 16ـیان دانیشتووی شاری ساکسۆنی خوارووی ئەڵمانیان، بەبێ ئەوەی وردەکاریی زیاتر بخاتەڕوو.
شەممەی رابردوو، عیرفان کەریم، ئەندامی سکرتاریەتی فیدراسیۆنی سەرتاسەریی کۆچبەرانی عێراق لە ئەڵمانیا رایگەیاند، نزیکەی 10 هەزار پەنابەری عێراق و هەرێمی کوردستان، رووبەڕووی مەترسیی دیپۆرتکردنەوە دەبنەوە.
