بافڵ جەلال تاڵەبانی بەشداریی كۆنفرانسی ئاسایشی میونشن لە ئەڵمانیا دەكات
بافڵ جەلال تاڵەبانی، سەرۆكی یەكێتیی نیشتمانیی كوردستان بانگهێشتی كۆنفرانسی ئاسایشی میونشن لە ئەڵمانیا دەكرێت و بڕیارە لە سەردانەكەیدا چەندین كۆبوونەوە و دیداری سیاسی و دیپلۆماسی لەسەر ئاستی بەرپرسانی باڵای وڵاتان و سەركردەی سیاسی، سەربازی، ئەمنی و ئابوری ئەنجامبدات.
كۆنفرانسی ئاسایشی میونشن لە رۆژی 14ـی شوباتی 2025، لە شاری میونشنی ئەڵمانیا دەستپێدەكات و تیایدا ژمارەیەك لە كەسایەتیی سیاسی و سەرۆك و سەركردەكانی جیهان بەشداریی تێدادەكەن.
