عوسمان گوڵپی رایگەیاند، تا مووچەی مانگی 12 دابەشنەکرێت مامۆستایان بایکۆتی هۆڵەکانی خوێندن ناشکێنن.
عوسمان گوڵپی وتەبێژی مامۆستایان و فەرمانبەرانی مانگرتوو بە تۆڕی میدیایی ئێستای راگەیاند، هەنگاوی مانگرتن لە خواردن هەنگاوێکی نوێی خەبات و نارەزایەتی مەدەنیانە بوو، پێمان وایە هەنگاوی داهاتوو دەبێت گفتوگۆ بکەین بۆ ئەوەی هەنگاوێک بنێین ئەم هەنگاوە بەهێزتر بکات نەک لاوازتر.
وتیشی، تا ئێستا هیچ بڕیارێک نییە بۆ چالاکی نوێ، بەڵام گرنگترین شت بنەماکانن کە دەبێت خەباتی مەدەنی بەردەوام بێت بەڵام میکانیزمەکان بگۆڕێن.
ئاشکراشیکرد، هیچ گرفتێک چارەسەرنەکراوە تا بایکۆت بشکێت، پێموانییە تا مووچەی مانگی 12 نەدرێت مامۆستایان ناچنەوە هۆڵەکانی خوێندن.
