بەڕێوەبەرایەتیی نەوت و کانزاکانی هەڵەبجە رایگەیاند، پاش راگرتنی پرۆسەکە بۆ چەند رۆژێک، لە ئەمڕۆوە بە دابەشکردنی نەوت بەسەر هاوڵاتییاندا دەستپێدەکاتەوە.
بەڕێوەبەرایەتیی نەوت و کانزاکانی هەڵەبجە ئاشکرایکرد، رۆژی سێشەممەی رابردوو پرۆسەی دابەشکردنی نەوت لە سەنتەری پارێزگای هەڵەبجە دەستیپێکرد، بەڵام رۆژی پێنجشەممە بەهۆی فێستیڤاڵی هەنار و پایزی هەڵەبجەوە بۆ ماوەی سێ رۆژ پرۆسەی دابەشکردنی نەوت راگیرا، بۆیە لە ئەمڕۆ یەکشەممەوە دابەشکردنی نەوت دەستپێدەکاتەوە.
ئاماژەی بەوەشکرد، پرۆسەکە بەردەوامدەبێت تاوەکو سەرجەم هاوڵاتییان بڕی دیاریکراوی نەوت بۆ ئەمساڵ وەردەگرن.
