دابەشکردنی مووچەی مانگی یەک بەردەوامە و ئەمڕۆ چەند وەزارەت و دەستەیەک مووچە وەردەگرن.
بەپێی ئەو لیستەی وەزارەتی دارایی و ئابوریی هەرێم بۆ مووچە بڵاویکردووەتەوە، ئەمڕۆ پێنجشەممە مووچەی مانگی یەکی ئەمساڵی وەزارەتەکانی (دارایی و ئابوری، پەروەردە، کاروباری شەهیدان و ئەنفالکراوان، کەسوکاری شەهیدان و ئەنفالکراوان) دابەشدەکرێت.
هەر بەپێی لیستەکە ئەمڕۆ خانەنشینی پێشمەرگە، دەستەی دەسپاکی، دەستەی وەبەرهێنان، دەستەی ژینگە، دەزگای مین، ناوچەکانی دەرەوەی هەرێم، کۆمسیۆنی باڵای هەڵبژاردن، دیوانی چاودێریی دارایی لەگەڵ مافی مرۆڤ مووچە وەردەگرن.
