قوباد تاڵەبانی جێگری سەرۆک وەزیرانی هەرێم گەیشتە شاری بەغداد و لە کۆبوونەوەیەکدا لەگەڵ محەمەد شیاع سودانی سەرۆک وەزیرانی عێراق چارەسەری کێشەکانی نێوان هەولێر و بەغداد تاووتوێکران.
نووسینگەی محەمەد شیاع سودانی بڵاویکردەوە، سەرۆک وەزیرانی عێراق پێشوازی لە قوباد تاڵەبانی جێگری سەرۆک وەزیرانی هەرێم کرد، گرنگترین دۆسیە نیشتمانییەکان و باشترین رێگاکان بۆ جێبەجێکردنی بەرنامەی حکومەت بە مەبەستی بەدیهێنانی خواستی هاوڵاتییان گفتوگۆیان لەبارەوەکرا.
ئاشکراشیکرد، لە کۆبوونەوەکەدا چەند پرسێک کە بەرپرسیارێتیی هاوبەش هەڵدەگرن وەک پەسەندکردنی هەمواری یاسای بودجە و چارەسەری لەمپەڕە کارگێڕییەکان تاووتوێکران.
جەختیشیکردەوە، محەمەد شیاع سودانی پشتیوانیی خۆی بۆ پێکهێنانی کابینەی نوێی حکومەت و گفتوگۆی لایەنە سیاسییەکان دووپاتکردووەتەوە.
