شانەی راگەیاندنی ئەمنیی عێراق رایدەگەیەنێت، فەرماندەی گشتیی هێزە چەكدارییەكانی هێراق فەرمانی كردووە بە پێكهێنانی لیژنەیەكی ئەمنیی و تەكنیكی بۆ لێكۆڵینەوە لە هێرشەكەی سەر كێڵگەی غازی كۆرمۆر لە چەمچەماڵ.
بەپێی راگەیەندراوێكی شانەی ئەمنیی عێراق كە تێیدا هاتووە، محەمەد شیاع سودانی فەرماندەی گشتیی هێزە چەكدارەكان بەدواداچوون و لێكۆڵینەوەی بۆ هێرشەكەی سەر كێڵگەی غازی كۆرمۆر لە سنووری چەمچەماڵ دەكات.
ئاماژە بۆ ئەوەش كراوە، سودانی بڕیاریدا بە پێكهێنانی لیژنەیەكی ئەمنیی تەكنیكی بۆ دیاریكردنی بارودۆخی رووداوەكە چونكە هەر هەوڵێك بۆ تێكدانی ئابوریی وڵات و زیانگەیاندن بە بژێویی و بەرژەوەندییەكانی خەڵك هەوڵێكە بە ئامانجگرتنی هەموو عێراقییەكان رێگا بەم كارە نادرێت.
