قائیمقامی هەڵەبجە رایگەیاند، “تائێستا بۆ پۆستی پارێزگاری هەڵەبجە کاندید نیم”.
نوخشە ناسیح، قائیمقامی هەڵەبجە بە تۆڕی میدیایی ئێستای راگەیاند، “تاوەکو ئێستا نە لە حزب و نە لە حکومەت داوام لێنەکراوە بۆ پۆستی پارێزگاری هەڵەبجە کاندید ببم و هەر کاتێک داوام لێبکرێت ئەو کاتە بڕیارێک دەدەم”.
وتیشی، “ئێمە لە بۆشاییەکی یاساییداین و چاوەڕێی وەزارەتی ناوخۆ دەکەین بۆ ئەوەی بڕیار لە پۆستی پارێزگار بدرێت”.
دوو رۆژ بەر لە ئێستا ئازاد تۆفیق، پارێزگاری پێشووی هەڵەبجە، لەگەڵ شاهین رەزای جێگری خانەنشین بوون.
