لیژنەی هاوبەشی یەکێتیی نیشتمانیی کوردستان و پارتی دیموکراتی کوردستان لەبارەی پێکهێنانی کابینەی نوێی حکومەتی هەرێم کۆدەبنەوە.
سەعدی ئەحمەد پیرە وتەبێژی یەکێتیی نیشتمانیی کوردستان رایگەیاند، ئەمڕۆ سێشەممە جارێکی دیکە لیژنەی هاوبەشی یەکێتیی نیشتمانیی کوردستان و پارتی دیموکراتی کوردستان کۆدەبنەوە بەمەبەستی دیاریكردنی جیاوازی و خاڵه ناكۆكه‌كان و چارەسەرکردنیان لەبارەی پێکهێنانی کابینەی نوێی حکومەتەوە.
ئاماژەی بەوەشکرد، وه‌فدی هاوبه‌شی هه‌ردوولا به‌رپرسیارن له ئاماده‌كردنی ره‌شنووسێكی به‌رپرسیارانە و دۆزینەوەی چارەسەر بۆ خاڵه ناکۆکەکان، كه له ئاینده‌دا ده‌بێته پرۆژه‌ی به‌یه‌كه‌وه كاركردنی نێوان هه‌ردوولا.
لە ماوەکانی رابردوودا لیژنەکە سێ کۆبوونەوەی دیکەیان ئەنجامداوە و لە کۆبوونەوەکانیشیان بەردەوام دەبن تا کۆتایی بە کارەکانی نووسینەوەی رەشنووسێکی هاوبەشی رێکەوتن دەبن.
