قاسم ئەعرەجی، راوێژكاری ئاسایشی نیشتیمانیی عێراق لە راگەیەندراوێكدا پاش كۆبوونەوەی لەگەڵ باڵیۆزی ئوستڕاڵیا لە عێراق رایگەیاند، لەگەڵ ئوستڕاڵیا بەردەوامدەبن لە هەماهەنگییە سەربازییەكان و داواش لە وڵاتان دەکەن، هاوڵاتییە دەستگیرکراوەکانیان لە کەمپی هۆڵ بگەڕێننەوە وڵاتی خۆیان.
ئەعرەجی ئاماژەی بەوەشكردووە، دۆسییەی دەستگیركراوانی كەمپی هۆڵ تاوتوێكرا و پێویستی گێڕانەوەی دەستگیرکراوان نێو کەمپی هۆڵ بۆ وڵاتانی خۆیان بە كاری لەپێشینەوە و پێویست دەزانن.
هەروەها لە كۆبوونەوەشدا جەختكرایەوە لە هەوڵەكانی عێراق بۆ گەڕانەوەی ئەو كەسانەی لە كەمپی هۆڵ دەستگیركراون و هاوڵاتی عێراقین و ئوستڕاڵیاش لەو پێناوەدا هاوكاریی پێویست پێشکەش بە عێراق دەكات.
