لە هێرشێکی چەکداریدا بۆ سەر دادگای باڵای ئێران لە تارانی پایتەختی وڵاتەکە، دوو دادوەری باڵا کوژران.
میدیاکانی ئێران بڵاویانکردەوە، “دادوەران عەلی رازینی و محەمەد موقیسە کە دادوەری باڵان، لە هێرشەکەدا کوژراون”.
باس لەوەش دەکەن، “هێرشبەرەکە بە دەمانچە تەقەی کردووە و هیچ دۆسیەیەکیشی لە دادگاکەدا نەبووە، و دوای ئەنجامدانی هێرشەکە هەوڵی دەستگیرکردنی دراوە، بەڵام لە کەمترین ماوەدا خۆی کوشتووە”.
