فەرمانگەی ژینگەی هەولێر، هێڵێکی گەرمی کاراکردووە و داوا لە هاوڵاتییان دەکات، هەر کەسێک سەرپێچیی ژینگەیی بینی ئاگاداریان بکاتەوە.
فەرمانگەکە لە راگەیەندراوێکدا ئاماژەی بەوەکردووە، سێ ژمارە مۆبایلی کارا کردووە و هەر کەسێک لە شوێنێک پێشێلکاریی ژینگەیی بینی، ئاگاداریان بکاتەوە بۆ ئەوەی بەدواداچوون بکەن و چارەسەری بکەن.
ئەمەش لە کاتێکدایە، چەندین جار هۆشداریی دراوە لەسەر دۆخی ژینگەی هەولێر و پیسبوونی هەوای شارەکە کە بەشێکی پەیوەندی بە کارگەکانەوە هەیە و لەماوەی رابردووشتدا چەندین جار باس لەم پرسە کراوە، بەڵام تائێستا چارەسەری کۆتایی بۆ نەدۆزراوەتەوە.
