بڕیارە لە چەند رۆژی داهاتوودا وەفدێکی باڵای سوریا بگەنە عێراق و چەند کۆبوونەوەیەکی گرنگ لەگەڵ بەرپرسانی بەغداد تاوتوێ بکەن.
میدیاکانی عێراق بڵاویانکردەوە، بڕیارە لە چەند رۆژی داهاتوودا وەفدێکی وەزارەتی دەرەوەی سوریا بە سەرۆکایەتی ئەسعەد شیبانی بگەنە شاری بەغداد.
ئاشکراشیانکرد، وەفدەکە لە سەردانەکەیاندا چەندین کۆبوونەوەی گرنگ لەگەڵ بەرپرسانی عێراق ئەنجامدەدەن و بیروبۆچوونی دەسەڵاتی نوێی سوریا دەخەنەڕوو و گفتوگۆ لەبارەی پرسی ئاوارەکان، ئاسایشی سنوورەکان، پەرەپێدانی پەیوەندییەکانی هەردوو وڵات تاووتوێدەکەن.
پێشتر وەفدەکە سەردانی قەتەر و چەند وڵاتێکی دیکەی ناوچەکەیان کردبوو.
