پۆلیسی سلێمانی دەستگیرکردنی تۆمەتبارێکی راگەیاند، کە 11 فەرمانی دەستگیرکردنی هەبووە.
بەڕێوەبەرایەتیی پۆلیسی سلێمانی بڵاویکردەوە، دوای ئەوەی هێزەکانی پۆلیس چاودێرییان خستە سەر تۆمەتبارێک کە لەچەند بنکەیەکی پۆلیس داواکراو بووە و سکاڵای لەسەر تۆمار کراوە، توانرا لەلایەن مەفرەزەکانی نوسینگەی نەهێشتنی تاوانی دزینی ئوتۆمبێلەوە دەستگیربکرێت.
ئاشکراشیکرد، تۆمەتبار (هـ، ع، ع) لەدایکبووی ساڵی 1990 لە چەند بنکەیەکی پۆلیس سکاڵای لەسەر تۆمارکراوە و داواکراوە بەپێی ماددەکانی 444، 446، 289 و 298 لە یاسای سزادان.
بەپێی ئەو زانیارییانەی پۆلیس بڵاویکردووەتەوە، تۆمەتبارەکە پێشینەی تاوانی هەبووە، پێشتر سزادراوە و 11 فەرمانی دەستگیرکردنی هەبووە.
