محەمەد شیاع سودانی سەرۆکوەزیرانی عێراق گەیشتە تارانی پایتەخت و لەگەڵ مەسعود پزیشکیان سەرۆککۆماری ئێران کۆبووەوە.
دوای کۆتاییهاتنی کۆبوونەوەکەیان، هەریەکە لە سودانی و پزیشکیان رایانگەیاند، گفتووگۆکەمان دەربارەی کۆمەڵێک بابەت و تەوەری گرنگی ناوچەکە بووە و جەختمان لە بەهێزکردنی پەیوەندییەکانی هەردوو وڵات لە بوارە جۆراوجۆرەکاندا کردووەتەوە.
محەمەد شیاع سودانی رایگەیاند، لەبەرچاوگرتنی پاراستنی ئارامی و ئاسایشی ناوچەکە تەوەرێکی گفتووگۆکەمان بوو، هەروەها جەختمان لە سەقامگیری سوریا کردەوە.
هەروەها، مەسعود پزیشکیان ئاماژەی بەوەدا، پێویستە پەیوەندییە هاوبەشەکانمان گەشەپێبدەین لە بواری وەبەرهێنان و گەشتیاری و پیشەسازیدا و کاربکەین بۆ پاراستنی بەرژەوەندییە ئابوورییەکانی هەردوو وڵات.
