تەندروستی سلێمانی رایگەیاند، لە شەوی سەری ساڵدا 20 تیمی فریاکەوتنی خێرا لە ئامادەباشیدا دەبن و رێوشوێنی پێویست بۆ سەلامەتی هاوڵاتییان گیراوەتەبەر.
بەڕێوەبەرایەتی گشتی تەندروستی سلێمانی رایگەیاند، لە چوارچێوەی ئامادەکارییەکان بۆ هاتنی سەری ساڵی نوێ، پلان و رێوشوێنی پێویست و گونجاو گیراوەتەبەر و 20 تیمی فریاکەوتنی خێرا لە حاڵەتی ئامادەباشیدا دەبن.
وتیشی “بۆ شەوی سەری ساڵی نوێ، تیمە تەندروستییەكان لە سەرجەم نەخۆشخانە و بەشەکانی تایبەت بە فریاکەوتنی خێرا دەخرێنە حاڵەتی ئامادەباشیەوە”.
ئاماژەی بەوەشدا، هاوڵاتیان دەتوانن لەكاتی هەر حاڵەتێکی لەناکاودا پەیوەندی بكەن بە سەنتەری فریاكەوتنی خێرای ژمارە 122.
