حکومەتی ئەڵمانیا ئیلۆن مەسک بە دەستوەردانی سیاسی و هاندانی لایەنێکی دیاریکراو لە وڵاتەکەدا تۆمەتبار دەکات.
میدیا جیهانییەکان بڵاویانکردووەتەوە، حکومەتی ئەڵمانیا رایگەیاندوە، ئیلۆن مەسک بازرگان و سەرمایەداری جیهان، لە رێگای لێدوان و پۆستە ئەلکترۆنییەکانییەوە دەیەوێت کاریگەری سیاسی بەسەر پرۆسەی هەڵبژاردنی وڵاتەکەوە هەبێت.
دەشلێت “ئیلۆن مەسک پشتگیری لایەنێکی دیاریکراوی ئەڵمانیا دەکات و دەیەوێت کاریگەری لەناو خەڵکی ئەڵمانیادا دروستبکات بە قازانجی ئەو لایەنە “.
ئەمە لە کاتێکدایە، بڕیارە دوای ساڵی نوێ هەڵبژاردن لە ئەڵمانیا بەرێوەبچێت.
