عەلی حەمە ساڵح، ئەندامی پەرلەمانی كوردستان هۆكاری دابەشنەكردنی مووچەی مانگی 11 ئاشكرادەكات و دەڵێت، “هەرێم داهاتی ناوخۆی بۆ بەغداد نەناردووە و بەهۆیەوە ناردنی 430 ملیار دینارەكە لەلایەن بەغداوە راگیراوە.
دەشڵێت، “بەو 631 ملیار دینارەی نێردراوە لەگەڵ 430 ملیار دینارەكە دەتوانرێت مووچەی مانگی 11 بدرێت و هەرێم دەیەوێت داهاتی ناوخۆ نەگەڕێنێتەوە و بەغداد مووچە بدات”.
وتیشی،”هەرێم خۆی نەوت دەفرۆشێت و داهاتەكەی نادیارە كە باسی مووچە دەكرێت دەڵێن، بەغداد دەبێت مووچە بدات و كەس رەخنە نەگرێت و رەخنەكانتان ئاراستەی عێراق بكەن”.
