حكومەتی هەرێم لەبارەی دۆخی سوریاوە راگەیەندراوێكی بڵاوكردەوە و دەڵێت، “رێز لە بڕیار و ئیرادەی خەڵكی سوریا دەگرین”.
لە راگەیەندراوەكەی حكومەتی هەرێمدا هاتووە، گۆڕانكاریی خێرا و كەوتنی رژێمی دەسەڵاتداری سوریا، سەردەمێكی نوێی هێناوەتە كایەوە و رێز لە بڕیار و ئیرادەی خەڵكی سوریا دەگرین.
هەر لە راگەیەندراوەكەدا هاتووە، هیوادارین سوریای داهاتوو، ئازاد و ئارام و دیموكراتیك و سەقامگیر بێت و مافی هەموو گەل و پێكهاتەكانی تێدا پارێزراوبێت.
