سەرۆكی رێكخراوی یەكێتیی مامۆستایانی كوردستان رایدەگەیەنێت، ماوەی 10 ساڵە كێشەی مووچە لە هەرێم بەردەوامە و دەشڵێت، “بۆ چارەسەری كێشەی مووچە پێویستە تەوتین دەستپێبكرێت “.
عەبدولواحید محەمەد، سەرۆكی رێكخراوی یەكێتیی مامۆستایانی كوردستان لە لێدوانێكیدا رایگەیاند، وەك یەكێتیی مامۆستایان هەمیشە لە خەمی مامۆستایاندا بووین و حكومەت كێشەی مووچەی چارەسەرنەكردووە و بە هیچ شێوەیەك گوێ بە داواكاریی مامۆستایان نادات، جگەلەوەش لە سەرجەم ناوەندەكانی خوێندن نیگەرانی هەیە كە مووچە دابەشناكرێت.
سەرۆكی رێكخراوی یەكێتیی مامۆستایانی كوردستان جەختیكردەوە وتیشی، “بۆ چارەسەری كێشەی مووچە پێویستە تەوتین دەستپێبكرێت”.
