سەرچاوەیەكی تایبەت كە قسەی بۆ تۆڕی میدیایی ئێستا كردووە رایگەیاند، تەیف سامی وەزیری دارایی عێراق رەزامەندی لەسەر خەرجكردنی بڕی 761 ملیار دینار بۆ مووچەی مووچەخۆرانی هەرێم داوە.
ئاماژەی بۆ ئەوەش كردووە، ئەو بڕە پارەیەی دەنێردرێت بۆ مووچەی مانگی 10ی مووچەخۆرانی هەرێمی كوردستانە و چاوەڕواندەكرێت لە رۆژی یەكشەممەی داهاتوو پارەكە بخرێتە سەر هەژماری وەزارەتی دارایی هەرێم.
جێی ئاماژە بۆ كردنە، حكومەتی هەرێم بۆ دابەشكردنی مووچە پێویستی بە 996 ملیار دینار هەیە و بەو بڕە پارەیەی دەنێردرێت كورتهێنان هەیە تاوەكو ئێستا روون نییە كە ئاخۆ بە داهاتی ناوخۆ پڕدەكرێتەوە یاخود نا.
