بەرێوەبەری راگەیاندنی دەستەی کەشناسیی عێراق رایدەگەیەنێت، لە رۆژانی داهاتوودا شەپۆلێکی سەرما عێراق دەگرێتەوە، کە بەجۆرێک ساردە لەماوەی 14 ساڵی رابردوودا وێنەی نەبووە.
عامر جابری بەڕێوەبەری راگەیاندنی دەستەی کەشناسیی عێراق ئاماژەی بەوەشداوە، شەپۆلەکە بەشێوەیەکی چڕ عێراق دەگرێتەوە و پێشبینیش دەکەن لەرۆژانی داهاتوودا هەرێمی کوردستانیش بگرێتەوە.
ئەمە لەکاتێکدایە، لە وڵاتی تورکیا و باکوری کوردستانیش، لەچەندین ناوچەی جیاوازدا بەفر باریووە و بەهۆی زۆری رێژەکەیەوە، لە چەند ناوچەیەکدا دەوامی خوێندن راگیراون.
