لیژنەی باڵای سەرژمێریی گشتیی دانیشتووان رایگەیاند، بڕیاردرا بە درێژکردنەوەی قەدەغەی هاتوچۆ لەنێوان شارەکان تاوەکو کۆتایی رۆژی هەینی.
لە راگەیەندراوێکدا، میقداد مێری، وتەبێژی وەزارەتی ناوخۆی عێراق و وتەبێژی لیژنەی باڵای سەرژمێریی گشتیی دانیشتووانی عێراق بڵاویکردەوە، سەرەڕای هەڵگرتنی قەدەغەی هاتوچۆ لەناو شارەکان، بەڵام قەدەغەی هاتوچۆ لەنێوان پارێزگاکاندا درێژدەکرێتەوە.
درێژکردنەوەی قەدەغەی هاتوچۆی نێوان پارێزگاکان بۆ 24 کاتژمێری دیکە دەبێت و تاوەکو کۆتایی رۆژی هەینی دەبێت.
مەبەست لە درێژکردنەوەی قەدەغەی هاتوچۆی نێوان پارێزگاکان تۆمارکردنی ئەو کەسانەیە کە هێشتا تۆمارنەکراون لە سەرژمێریی گشتیی دانیشتووانی عێراق بۆ ساڵی 2024.
