سەرۆك وەزیرانی عێراق رایدەگەیەنێت، “عێراق دەیەوێت ببێتە وڵاتێكی پیشەسازیی پێشكەوتوو لە ناوچەكەدا و داواش لە توركیا و ئێران دەكەین بەشی ئاوی عێراق كەم نەكەنەوە”.
محەمەد شیاع سودانی سەرۆك وەزیرانی عێراق لە دووەم كۆنگرەی لوتكەی بەغداد بۆ هاوكاری و هاوبەشی كە لە ئوردون بەڕێوەچوو رایگەیاند، “دەمانەوێت عێراق بكەینە وڵاتێكی پیشەسازیی پێشكەوتوو لە ناوچەكەدا و خواستی دروستكردنی ناوچەیەكی پیشەسازیی هاوبەشمان لە ناوچەكەدا هەیە”.
ئاشكراشیكرد، “عێراق لە ئێستادا رووبەڕووی هەڕەشەی كەم ئاوی بووەتەوە و داوا لە توركیا و ئێران دەكەین بەشی ئاوی عێراق كەم نەكەنەوە”.
