سەرۆك وەزیرانی عێراق و بافڵ جەلال تاڵەبانی، سەرۆكی یەكێتیی نیشتمانیی كوردستان و قوباد تاڵەبانی، جێگری سەرۆك وەزیرانی هەرێم لە سلێمانی كۆبوونەوە و نووسینگەی راگەیاندنی محەمەد شیاع سودانی ناوەڕۆكی كۆبوونەوەكەی بڵاوكردەوە.
بەپێی راگەیەندراوی نووسینگەی سەرۆك وەزیرانی عێراق، سودانی پیرۆزبایی سەركەوتنی پڕۆسەی هەڵبژاردنی كرد و ئاماژەی بەوەكرد، چاوەڕواندەكرێت حكومەتێك دروستبكرێت كە خواستەكانی هاوڵاتییانی هەرێم بەدیبهێنێت.
هەر بەپێی راگەیەندراوی نووسینگەی سودانی، بافڵ جەلال تاڵەبانی ویستی خۆی بۆ خێراتركردنی پێكهێنانی حكومەتی هەرێم دەربڕیووە، بە ئامانجی جێبەجێكردنی لێكتێگەیشتنەكان لەگەڵ حكومەتی عێراقی.
هاوكات جەختی لە پاڵپشتیكردنی ئەو هەوڵانە كردەوە كە ئامانج لێی پەسەندكردنی دیدێكی هاوبەشە لە نێوان حكومەتی عێراقی و حكومەتی هەرێم لەگەڵ ئامانجی بەدەستهێنانی هاوسەنگی و سوودی باشتر لە وەبەرهێنانی سامانی نەوتدا.
