ژووری بازرگانیی سلێمانی بڵاویکردەوە، هەوڵەکان بۆ باشکردنی سیستمی هاتوچۆی گشتی لە ناو شاری سلێمانی بەردەوامە، کۆمپانیایەکی بەریتانی ئامادەیی خۆی پیشانداوە سەردانی شاری سلێمانی بکات و میکانزمی گونجاو بۆ هێڵی گواستنەوی گشتی دامەزرێنن.
ئارام بابان ئەندامی ئەنجومەنی کارگێڕیی ژووری بازرگانی و پیشەسازی سلێمانی رایگەیاند، لە وڵاتی بەریتانیا کۆبوونەوەیەکمان لەگەڵ گۆنزالۆ رویز سەرۆکی گەشەپێدانی کۆمپانیای (city-sightseeing) کە تایبەتن بە دابینکردنی پاس بۆ شارەکانی بەریتانیا ئەنجامدا و داوامان لێکردن سەردانی شاری سلێمانی بکەن بۆ گەورەکردنی پرۆژەکەی ژووری بازرگانی و پیشەسازی سلێمانی کە سەرقاڵی گۆڕینی پاسە مۆدێل کۆنەکانە بۆ پاسی مۆدێل بەرز و دۆستی ژینگە.
باسیلەوەشکرد، سەرۆکی گەشەپێدانی کۆمپانیای (city-sightseeing) ئامادەی خۆی پیشاندا سەردانی شاری سلێمانی بکەن هەڵسەنگاندنی تایبەت بەخۆیان بکەن بۆ ئەوەی بزانن چ جۆرە سیستمێکی گواستنەوە بۆ شاری سلێمانی گونجاوە.
کۆمپانیاکە ماوەی 50 ساڵە هێڵەکانی گواستنەوەی لەندەنی دابینکردووە و بۆ 43 وڵاتی دیکەش پاس و سیستمی هاتوچۆیان دابینکردووە ئامێری گواستنەوەی جۆراوجۆریان هەیە.
