لەلایەن وەزارەتی شارەوانییەوە ناوی نزیكەی حەوت هەزار فەرمانبەر بۆ پێدانی زەوی بۆ شارەوانی سلێمانی گەڕاوەتەوە و تیروپشك بۆ ناوەكان كراوە و سەرۆكی شارەوانی سلێمانیش دەڵێت، “ئەو فەرمانبەرانەی تیروپشكیان بۆ كراوە، لە وەزارەتەكانی شارەوانی و كاروباری كۆمەڵایەتی و كارەبان و وەزارەتی شارەوانیش بەردەوامە لە لێكۆڵینەوە بۆ فۆڕمی فەرمانبەرانی وەزارەتەكانی دیكە”.
لەیلا عومەر، سەرۆكی شارەوانیی سلێمانی بە میدیایی رەسمیی یەكێتی راگەیاند، دوای ئەوەی لەلایەن وەزارەتی شارەوانییەوە ناوی زیاتر لە 6 هەزارو 700 كەس بۆ شارەوانیی سلێمانی گەڕاوەتەوە بەمەبەستی پێدانی زەوی پێیان، لە دوو رۆژی رابردوودا تیروپشك بۆ ناوەكان كراوە و ئەو فەرمانبەرانە ژمارەی زەوییەكانیان وەرگرتووە.
دەشڵێت، “ناوی ئەو فەرمانبەرانەی بۆ شارەوانیی سلێمانی نێردراون، لە وەزارەتەكانی شارەوانی و كاروباری كۆمەڵایەتی و كارەبا بوون، چونكە وەزارەتی شارەوانی تاوەكو ئێستا تەنها تووانیوویەتی وردبینی بۆ ئەو فەرمانبەرانە بكات و ئێمەش رێكارەكانی دابەشكردنی زەویمان دەستپێكردووە”.
