وەزارەتی شارەوانی رایگەیاند، قۆناغی یەكەمی دابەشكردنی زەوی لە سلێمانی، هەولێر، گەرمیان و زاخۆ دەستیپێكرد.
وەزارەتی شارەوانی وگەشتوگوزار لە راگەیەندراوێکدا بڵاویکردەوە، ئەمڕۆ 5 هەزار پارچە زەوی لە سنووری سەرۆكایەتیی شارەوانیی هەولێر رادەگەیەنین، جگە لەوەش، 2 هەزار و 300 پارچە زەوی دیكەش بەسەر خانەوادەی شەهیدان و زیندانییانی سیاسی دابەشدەكرێت كە پێشتر فەرمانی وەرگرتنی زەویان هەبووە و ئێستا رێكارەكانی تەواو بوون، واتە 7 هەزار 300 پارچە زەوی دابەشدەكرێت.
لەبارەی دابەشكردنی زەوی لە سلێمانی و گەرمیان و زاخۆ و ناوچەكانی دیكەی هەرێم، وەزارەتی شارەوانی رایگەیاند، هەر ئەمڕۆ لە سەرۆكایەتیی شارەوانیی سلێمانی 6 هەزار و 577 پارچە زەوی وەك قۆناغی یەكەم دابەشدەكرێت، لە سنووری ئیدارەی سەربەخۆی گەرمیان بۆ قۆناغی یەكەم رەزامەندی لەسەر 2 هەزار 474 پارچە زەوی دراوە و دوێنێش هەزار و 241 پارچە زەوی لە زاخۆ راگەیەندرا.
باس لەوەش دەکات، “لە رۆژانی داهاتوودا قۆناغەكانی دیكەی پرۆسەكە رادەگەیەنین، لە هەموو شارەوانییەكانیش نەخشەی پێویست بەپێی ژمارەی فەرمانبەران ئامادەكراوە”.
