سەرۆکی دیوانی ئەنجومەنی وەزیرانی هەرێم نوێترین زانیاری لەبارەی مووچەی مانگەکانی ئاب و ئەیلولی مووچەخۆرانی هەرێم ئاشکرادەکات.
ئومێد سەباح، سەرۆکی دیوانی ئەنجومەنی وەزیرانی هەرێم رایگەیاند، بۆ مووچەی مانگی ئاب حکومەتی عێراق بڕی 755 ملیار دیناری ناردووە، و 245 ملیار دینار کورتهێنان هەیە.
باسی لەوەشکرد، وەزارەتی دارایی هەرێم چاوەڕوانی ئەو 245 ملیار دینارەیە بۆ ئەوەی مووچەی مانگی ئاب دابەشبکات.
ئومێد سەباح، وتیشی، بۆ مووچەی مانگی ئەیلولیش چاوەڕوانی پارەدەکەین و هیچ گرفتێکی دابەشکردنمان نییە.
باسی لەوەش کرد، ئێستا وەفدێکی هەرێم لە بەغدادە و چاوەڕواندەکرێت لەم چەند رۆژەدا ئەو بڕەی مانگی ئاب کە ماوە و تەمویلی مانگی ئەیلولیش بگات بۆ ئەوەی دابەشبکرێت.
