پارێزگاری سلێمانی رایگەیاند، بڕیارە سبەینێ بانگەشەی هەڵبژاردنی پەرلەمانی کوردستان دەستپێبکات.
د.هەڤاڵ ئەبوبەکر، پارێزگاری سلێمانی دوای کۆبوونەوەی لەگەڵ نێچیرڤان بارزانی، سەرۆکی هەرێم لە کۆنفرانسێکی رۆژنامەوانیدا رایگەیاند، وابڕیارە سبەینێ چوارشەممە بانگەشەی هەڵبژاردنی پەرلەمانی کوردستان دەستپێبکات.
ئاماژەی بەوەش کرد، داوادەکەین بانگەشەیەکی ئارام بەڕێوەبچێت و لایەنەکان پەنا بۆ ناوزڕاندنی یەکتر نەبەن.
وتیشی، داوامان لە سەرۆکایەتیی هەرێم کرد پێش هەڵبژاردن لەگەڵ لایەنە سیاسییەکاندا کۆببێتەوە
بڕیارە رۆژی 20ی تشرینی یەکەمی 2024، پرۆسەی هەڵبژاردنی خولی شەشەمی پەرلەمانی کوردستان بەڕێوەبچێت، لایەنە سیاسییەکان کێبڕکێ لەسەر بەدەستهێنانی 100کورسیی پەرلەمان دەکەن.
