كەسێك بە تۆمەتی بڕینی گیرفانی هاوڵاتییان دەستگیركرا و پۆلیسی سلێمانی دەڵێت، بەپێی لێكۆڵینەوە سەرەتاییەكان نزیكەی پێنج دەفتەر دۆلاری بردووە.
بەڕێوەبەرایەتیی پۆلیسی پارێزگای سلێمانی رایگەیاند، دوای ئەوەی چەند هاوڵاتییەك سكاڵایان تۆماركرد كە لەناو بازاڕی سلێمانی گیرفانیان بڕدراوە و پارەیان لێبراوە، هێزەكانی پۆلیس لێكۆڵینەوە و بەدواداچوونەكانیان دەستپێكرد و توانرا لەلایەن نووسینگەی ناو بازاڕی نەهێشتنی تاوانەوە تۆمەتبار بدۆزرێتەوە و دەستگیربكرێت.
دەشڵێت، لێكۆڵینەوە سەرەتاییەكان دەریانخستووە كە تەنها بە گیرفان بڕین (دەرهێنانی پارە لە گیرفانی هاوڵاتییان) نزیكەی پێنج دەفتەر دۆلاری بردووە.
پۆلیسی سلێمانی دەشڵێت، لەئێستادا تۆمەتبار (ت.ب.خ.)، كە دانی بە تاوانەكانیدا ناوە و حەوت پەڕاوی لێكۆڵینەوەی بۆ كراوەتەوە، بە بڕیاری دادوەر و بەپێی ماددەی 444 لە یاسای سزدانی عێراقی راگیراوە.
