ئەمڕۆ زەنگی ساڵی نوێی خوێندن لە كەركوك و پارێزگاكانی عێراق جگە لە هەرێمی كوردستان لێدرا.
بە بەشداریی ملیۆنان خوێندكار ئەمڕۆ ساڵی نوێی خوێندن لە كەركوك و پارێزگاكانی عێراق دەستیپێكرد.
لە كاتێكی پێشتری ئەمڕۆدا کەریم سەید، وتەبێژی وەزارەتی پەروەردەی عێراق رایگەیاند، بۆ ساڵی نوێی خوێندن 600 خوێندنگای نوێ دەخرێنە خزمەتەوە و لە کۆتایی ئەمساڵیشدا ژمارەی ئەو خوێندنگا نوێیانە دەگاتە هەزار دانە.
وتیشی، ”ئامادەکارییەکانی وەزارەتی پەروەردە بۆ ئەمساڵ لە ساڵانی رابردوو باشترە و کتێبی خوێندن گەیەندراوەتە بەڕێوەبەرایەتییە گشتییەکان و لەوێشەوە بۆ قخوێندنگاکان و ئامادەکراون بۆ دابەشکردن”.
