بەپێی بڕیاری وەزارەتی خوێندنی باڵا و توێژینەوەی زانستی لە ئەمڕۆوە وێبسایتی زانکۆلاین بۆ ماوەی 10 رۆژ کارادەکرێت.
وەزارەتی خوێندنی باڵا لە راگەیەندراوێكدا بڵاویکردەوە، لە رۆژی شەممە کاتژمێر 12:00ی نیوەڕۆ وێبسایتی زانکۆلاین بۆ دەرچووانی 12ی ئامادەیی کارادەبێت و تا 30ی ئەیلولی 2024، بەردەوام دەبێت.
ئاشکراشیکرد، ده‌رچووان ده‌بێت سەردانی خوێندنگەکانی خۆیان بکەن بەمەبەستی وەرگرتنەوەی ناوى بەکارهێنەر و وشەى تێپەڕ (Username) و (Password).
وەرگرتن لە زانکۆکان بەپێی ریزبەندی ئەو کۆلێژ و بەشانە دەبێت کە دەرچووان لە زانکۆلاین پێشکەشی دەکەن بە رەچاوکردنی کۆنمرەی خوێندکار، بۆیە پێویستە بە وردی ریزبەندیی ئەو کۆلێژ و بەشانە دیاری بکەن کە ئارەزوو دەکەن خوێندنی تێدا تەواوبکەن، وەزارەتی خوێندنی باڵا وادەڵێت.
