لیژنەی ئارامیی پارێزگای سلێمانی چەند بڕیاریکی دەرکرد سەبارەت بە کاتی بانگەشەی هەڵبژاردنەکان و دەڵێت، “کاروان و کەژاوەی لەدوای یەک و درێژی ئۆتۆمبێل کە هاتوچۆی گشتی تێکبدات و رێگا بگرێت لە هەڵمەتی بانگەشەی هەڵبژاردندا قەدەغەیە”.
لیژنەی ئارامیی پارێزگای سلێمانی، هەموو کاندید و قەوارە و هاوپەیمانییەکان و هەوادار و پشتیوانەکانیان پابەنددەکات بە پاراستی ئارامیی و ئاسایش و سەقامقیری گشتییەوە لە کاتی بانگەشەدا.
ئاماژە بەوەشدەکات، هەڵگرتنی چەک و نمایشی سەربازی لە کاتی بانگەشەی هەڵبژاردن قەدەغەیە.
هاوکات، داوا دەکات لە هەر رووداو و دۆخێکی نەخوازاراودا هەمووان پەنا بۆ دادگا و کۆمسیۆنی باڵای سەربەخۆی هەڵبژاردنەکانی عێراق و دامەزراوە رەسمییەکان ببە و لە هەر رووبەڕوووبەوە و هێرش و تۆڵەکەردنەوەیەکی کەسی و کۆیی، خۆیان بەدووربگرن.
