بەتۆمەتی خراپ بەکارهێنانی تۆڕە کۆمەڵایەتییەکان ئەندامێکی ئەنجومەنی پارێزگای زیقار دەستگیرکرا.
میدیاکانی عێراق بڵاویانکردەوە، هێزێکی ئەمنی هەڵیانکوتاوەتە سەر ماڵی ئەندامێکی ئەنجومەنی پارێزگای زیقار لە قەزای روفاعی و دەستگیریان کردووە.
ئاشکراشیانکرد، ئەو ئەندامەی ئەنجومەنی پارێزگا لەلایەن دادوەرەوە فەرمانی دەستگیرکردنی بۆ دەرچووە بە تۆمەتی خراپ بەکارهێنانی ئامێرەکانی پەیوەندی و تۆڕە کۆمەڵایەتییەکان.
باسیانلەوەشکرد، لە ئێستادا ئەو ئەندامەی ئەنجومەن راگیراوە و لێکۆڵینەوەکان لەگەڵی بەردەوامن.
ئەمە یەکەمین جارە لە عێراق کەسێک لە پۆستێکی حکومیدا بێت بە تۆمەتێکی لەو شێوەیە دەستگیربکرێت.
