لەدوای ئەو باران و لافاوەی شاری مەدینەی گرتەوە، بەرپرسانی سعودییە هۆشداریی لە دووبارەبوونەوەی هەمان دۆخ لە شاری مەککە دەدەن.
بنکەی نیشتمانیی کەشناسیی سعودییە بڵاویکردووەتەوە، لە ماوەی چەند کاتژمێری داهاتوودا بارانی بەخوڕ ژمارەیەک ناوچەی شاری مەککە دەگرێتەوە.
ئاشکراشیکرد، وێڕای بارانەکە رەشەبای بەهێز هەڵدەکات و لافاو دروستدەبێت و ئەم دۆخەش تا کاتژمێر 11:00 ی شەو بەردەوامیی دەبێت.
لای خۆیانەوە بەرپرسانی وڵاتەکە دۆخی باری لەناکاویان بۆ رەنگی سوور بەرزکردووەتەوە، لەگەڵ ئەوەشدا جەختیان لە تەواوی ئامادەکارییەکانیان بۆ هەر رووداوێکی نەخوازراو کردووەتەوە.
