شەریف رەحیم، جێگری بەڕێوەبەری تەندروستیی چەمچەماڵ بە تۆڕی میدیایی ئێستای راگەیاند، لە رووداوێکی هاتوچۆدا لە نزیک بانی مەقان پێنج کەس برینداربوون.
دواتر تیمی پزیشكیی هێزەكانی كۆماندۆی كوردستان گەیشتە شوێنی رووداوەكە و بریندارەكانیان لە رێگەی ئەمبوڵانسی كۆماندۆوە گەیاندە نەخۆشخانە.
لەبارەی دۆخی تەندروستیی بریندارەکانەوە شەریف رەحیم ئاماژەی بەوەکرد، دۆخی تەندروستییان جێگیرە و لە ژێر چاودێری پزیشکدان.
بریندارەكان كارمەندی كارگەی چیمەنتۆی دەلتا-ن لە بازیان.
