وەزارەتی تەندروستیی عێراق تۆمارکردنی زیاتر لە 17 هەزار کەسی تووشبوو بە بەرزەپەستانی خوێنی راگەیاند کە ئاگاداری نەخۆشییەکەیان نین، ئەوەش لە میانی پرۆژەی کۆمەڵایەتیی نیشتمانی زانراوە.
سەیف بەدر، وتەبێژی وەزارەتی تەندروستیی عێراق ئاماژەی بەوەکردووە، لە رێگەی پڕژەکەیانەوە پشکنینیان بۆ خەڵکی کردووە لە شوێنە گشتییەکان وەک بازاڕەکان و چەند شوێنێکی دیکە و لە کۆی 196 هەزار پشکنین، 17 هەزار کەس تووشی بەرزەپەستانی خوێن بوون و ئاگاداریش نەبوون لەوەی ئەو نەخۆشییەیان هەیە.
باسی لەوەشکردووە، “ئەنجامی پشکنینەکان دەریخستووە، زیاتر لە 17 هەزار هاوڵاتی تووشی بەرزی پەستانی خوێن بوون، کە 11%ی پشکنینەکان بوون و ئاگاداری ئەوە نەبوون کە پەستانی خوێنیان بەرزە”.
